Me i Valsvik skule og barnehage har eit tett og godt samarbeid personalet i mellom. Dette har etter kvart resultert i mange felles aktivitetar for barnehage- og skuleborn, noko som igjen fører til ein positiv overgang frå barnehage til skule. Både inne- og utemiljøet, personalet og ungane er kjende for borna før dei skal byrje på skulen. Dette vil gjere det mindre "skummelt" å byrje i 1. klasse. Me har spesielt i samband med høgtider ein del felles aktivitetar i tillegg til andre planlagde og uformelle aktivitetar i kvardagen.

Me har etter kvart sett opp ein del aktivitetar som er blitt tradisjon for oss. Det er:

• Musikk saman med 1.og 2. klasse annankvar veke, stort sett heile skuleåret med unnatak av periodar med prosjektarbeid for skuleelevane.
• Uteskule 2 gonger i året saman med alle skuleelevane og dei vaksne på skulen. Her er som oftast ingen vaksne frå barnehagen med.
• Besøk på skulen 2 føremiddagar om våren, tett inntil sommarferien. Her får 5åringane bli kjend med lokala dei skal komme tilbake til etter ferien og i tillegg bli betre kjend med dei vaksne på skulen.
• Songleikar med 1. og 2. klasse 4 gonger i året.
• Juleverkstad med heile skulen, i skulen sine lokalar.
• Nissemarsj saman med heile skulen.
• Me går Lucia saman med 1., 2. og evt 3. klasse
• Juleavslutning rett før juleferien saman med heile skulen.
• Adventsstund saman med heile skulen kvar måndag morgon i adventstida
• Påskelunsj med heile skulen der alle er med og førebur måltidet.
• Felles øving på 17.mai tog og evt program til 17.mai-feiringa.
• Sommarfest heilt i slutten av skuleåret, med ein del førebuing av felles program og aktivitetar.
• Lesestund der dei eldste elevane på skulen tek med seg ein unge kvar for å lese ei bok til dei.

• Ungane er med når me skal kopierer noko oppe på skulen.
• Me har ein del felles utetid der barnehageborna blir kjend med både elevane og dei vaksne på skulen.
• Me går av og til på biblioteket, som ligg i 2.etg, i samband med skulen sine lokale.
• Elles andre ærend som dei vaksne har oppe på skulen med beskjedar eller overlevering av brev el.l.